Recibimos hoxe unha invitación que nos enche de orgullo pola mostra de traballo concienciudo e polo interese histórico que representa. A Agrupación Cultural Nós, de Moaña, presentará esta fin de semana a súa nova publicación, que recompila novas fotos sobre a historia do século XX en Moaña.

Moaña,historia fotográfica, Tomo III, recolle unha colección de fotos, algunhas firmadas por Pacheco e será presentado no salón de plenos do concello de Moaña por Xesús Cancelas Franco, Manuel Anxo Mendez ,e Xosé Carlos Villaverde Román. Non podemos quedar sen coñecer esta nova xoia .