Paseo polas esculturas II

Coas fotos da saída , algúns alumnos de 6º de Primaria (Samuel, Yoel e Carla Santorio) montaron este vídeo.

 Moitas grazas!!

As esculturas en Moaña

O martes 23 de xaneiro a clase de 3º foi ver as esculturas que hai ao aire libre polo paseo e o Rosal.Esta é unha actividade que forma parte do proxecto "Aprende Moaña" da Concellalía de Ensino de Moaña

O pintor e escultor moañés Lito Portela guiou o noso paseo parando en cada escultura e falándonos  delas. Coñecemos as distintas maneiras de facer esculturas. Descubrimos de que material están feitas. Decatámonos da cantidade de esculturas que hai. Recibimos moita información.

Ao final, Lito fíxonos un retrato na libreta que levabamos a cada neno ou nena que llo pediu e tamén puxo a súa sinatura nun papel, nun brazo,...

Pasámolo moi ben e non nos importaría repetir.

Moitas grazas Lito!!!

Anécdota: vimos ás mariscadoras camiño do seu traballo e sentámonos no muro a velas e a presidenta da asociación veu a saúdarnos. 

Imos a Correos

O mércores os nenos e nenas de 6º de Infantil foron á oficina de correos de Moaña para enviar as súas postais de Nadal....Esperamos que chegaran todas!

Saída pola ribeira

O venres as clases de 5º e 6º do cole fixemos unha saída dende o cole ata a praia da Videira. Vimos pazos, praias, esculturas,  rochas,...e ata fixemos matemáticas. Pasámolo moi ben!

Visita á ludoteca municipal

Seguimos co programa "Aprende Moaña" do Concello.
Onte 4º e 5º de Infantil foron á ludoteca municipal.
Pasáronno moi ben xogando e fixeron un puzle moi chulo do Fisgón, que levaron para casa.

Visitamos un muíño e unha carballeira

Dentro das actividades de Aprende Moaña,os nenos e nenas de terceiro curso fixemos unha visita á Carballeira de Bronlle a ao muiño de Abilleira, en Meira

Entrevista á Asociación de mulleres

O luns o alumnado de 5º e 6º recibimos na biblioteca do centro unha representación da Asociación de Mulleres de Moaña. 
O noso obxectivo é crear a entrada sobre elas na Galipedia
Previo á visita elaboramos unha enquisa coa finalidade de coñecer o funcionamento dunha Asociación tan importante para Moaña.
A presidenta Concha Ramos, xunto con Concha Trigo, Teresa Rivas e Mucha López explicáronnos como funciona a Asociación e todas as actividades que se realizan nela.
 Decatámonos da gran variedade de oferta que hai e da importancia que ten a Asociación para todas aquelas mulleres  que queiran colaborar con elas e desfrutar das actividades que ofrece a asociación. 
Moitas grazas pola vosa visita!

As tartarugas coñecen as esculturas

A mascota do noso cole, o ratiño Paco, pediulles aos nenos e nenas de 4º de Infantil investigar un pouco as esculturas de Moaña.

Así que aquí está a clase das Tartarugas visitándoas. Hoxe foron á escultura dos animais abandonados, o monumento ao mariñeiro, ao choco bufón e ao Fisgón.

Natación en sexto curso

Durante o mes de marzo, os venres, os nenos e nenas de 6º de Primaria imos facer a clase de Educación Física na piscina municipal.
 Esta é unha actividade que xestionou o Concello xunto coa Piscina  Municipal, co obxectivo de fomentar o deporte da natación dentro da comunidade escolar.  
Traballaremos a técnica nos diferentes estilos e tamén a respiración, pero sen esquecer o xogo, que é moi importante para unha boa e motivadora aprendizaxe.

Día da Árbore

Hoce, no Dia da Árbore, e segundo o programa Aprende Moaña do noso Concello, xuntáronse 300 nenos e nenas dos sete colexios de Moaña, que viviron unha xornada de convivencia e festa na natureza, na que plantaron árbores, e despois tiveron unha festa coa animación de  Cé Orquestra Pantasma
Nesta actividade colaboran as Comunidades de Montes de Domaio e Moaña.

Moaña antiga

Na clase de cuarto curso temos unha pequena exposición de fotografías de antiguas de Moaña. Tiñamos curiosidade por ver como era antes Moaña. Gustounos moito ver que era unha inmensa praia. Despois invitamos aos compañeiros de terceiro curso a ver a exposición.

Charla sobre a vespa velutina

O pasado venres, os cursos de 5º e 6º de Primaria recibimos unha charla sobre a vespa velutina impartida por Fran Ogando(membro da asociación de apicultores de Moaña). Esta é outra das actividades que o concello ofrece aos colexios do municipio e que son do máis interesantes. Como sabedes as apicultoras e apicultores de Galicia están preocupadísimos pola invasión destas vespas que arrasan con todo: atacan as colmeas de abellas e cómennas, deixan sen pole as flores, ... En fin,o ciclo vital da abella está moi ameazado. Non paran en buscar solucións para combater esta praga e agora están usando unhas trampas moi sinxelas de facer. Fran trouxo varias trampas feitas con material de refugallo: botellas de auga de plástico e un cable para atalas ás árbores. Seica as vespas velutinas son unhas borrachas e con iso están traballando os apicultores. Enchen as botellas con distintos licores e elas entran atraídas polo cheiro do alcohol. Fran regalounos trampas para poñer nas plantas que agora as necesitan: os camelios. 

As fotos mostran distintos momentos da charla.

Escribimos á alcaldesa

Na aula de cuarto curso preparamos a visita ao Concello de Moaña, dentro do programa "Aprende Moaña" da concellalía de ensino..
Aprendemos cales son as funcións do concello, escribimos cartas á alcaldesa e redactamos unha lista de peticións.
Xa llas enviamos, e contestounos cunha cariñosa carta. Pronto estaremos no Concello para aprender máis.

Preparando a visita ao Concello

Na aula de cuarto curso preparamos a próxima visita ao Concello de Moaña.
Aprendemos cales son as funcións do concello, escribimos cartas á alcaldesa e redactamos unha lista de peticións.
Xa llas enviamos, e contestounos cunha cariñosa carta. Pronto estaremos no Concello para aprender máis.

Paseo pola ribeira

O 19 de setembro 5º e 6º de Primaria fixemos unha saída para coñecer a ribeira de Moaña. Comezamos no peirao de pasaxeiros e chegamos ata San Bartolomeu.

 Puidemos observar a vida que se desenvolve nela e aprendemos algo máis as esculturas que hai polo paseo.

Pola ribeira do río

O martes, 3 de maio, a clase de 5º de Primaria saímos de paseo polo río da Fraga.
 É unha actividade organizada polo concello dentro do programa "Aprende Moaña" e ofrecida aos colexios para que o alumnado de 5º coñeza a vexetación típica da ribeira dos ríos. 
Tivemos un guía, Chani, que 1º nos deu unha charla para familiarizarnos co tema. Resultou moi interesante e divertida.
 Tamén fixemos moito exercicio porque todo o fixemos andando e acabamos esgotados. 
Dámoslle as grazas a unha veciña que nos deu de beber a todos cando xa estabamos no final.

Debaixo están as fotos.

A publicidade e o cole

O alumnado de 5º e 6º estivemos traballando os anuncios publicitarios e aproveitando que estamos en período de solicitude de admisión de novos alumnos para o vindeiro curso,promocionamos o noso cole. Escoitádenos e veredes que ben o fixemos. 
  

Correlingua en Moaña

O 14 de maio participamos na festa do Correlingua, que se celebrou por primeira vez en Moaña. Asistimos a un concerto de grupo Pesdelán, organizado polos equipos de Dinamización Lingüística en colaboración coa Federación de ANPAS de Moaña e a Comunidade de montes de Domaio. Foi unha xornada moi divertida.

Wellcome Moaña

Anxo Rúa de Quinto curso preparou este vídeo de Moaña para a clase de Inglés

Moaña

Moaña vista por Patri e Sheila, tamén de 5' curso:

Patri,Sheila.presentación de moaña

View more presentations or Upload your own.