8/6/18

Visitamos a ludoteca

Os nenos e nenas de Infantil visitaron a Ludoteca municipal. É unha actividade que forma parte do proxecto da concellalía de ensino "Aprende Moaña":





Saímos na radio

Hoxe Xulio e Zoe, acompañados de María, a profe de inglés, foron ao programa de Paula Suárez  "De Viva Voz" de Single Radio.
Alí falaron ( e fixéronno moi ben )de Pinto e Pistacho, os cans da Prote que temos apadriñados, e contaron as cousas que facemos e aprendemos para coidar dos animais e concienciar á xente de que non se abandonan.


30/5/18

Concerto da escola de música

Esta semana asisitimos ao concerto da Escola de múisica baseado non conto de OQO "Pulga e xigante".

Esta actividade forma parte do proxecto "Aprende Moaña" da Concellalía de ensino.

25/2/18

Día da árbore

A clase de 2º e a de 3º de Primaria celebraron o día da árbore no monte da Cruz da Maceira. Foi unha actividade organizada polo Concello de Moaña no programa "Aprende Moaña", en colaboración coas Comunidades de Montes de Moaña. 


21/2/18

Jazz na escola

Onte o alumnado de quinto e sexto de Primaria asistiu a un concerto didáctico de Jazz.
Magnifica a calidade dos músicos e o plantexamento da sesión, que gustou moito aos nenos e nenas, tal como demostraron coas numerosas preguntas que lles fixeron aos músicos..
Esta actividade forma parte da programación da concellalía de Ensino de Moaña "Música na escola" en colaboración coa asociación xuvenil "A Ghudalla".

2/2/18

Complexo medioambiental do Morrazo

Onte o alumnado de sexto puidemos ver de preto como se tratan todos os resíduos dende a súa recolleita e coa finalidade de reutilizar para así contribuir no mantemento do noso planeta.

Tamén puidemos ver vídeos educativos que axudaron á concienciación do problema polo que estamos a pasar e a importancia de solucionalo.
Os monitores que nos acompañaron ao longo do percorrido foron explicándonos o funcionamento de toda a maquinaria e como están organizadas as instalacións. Agradecémoslles o trato tan amable e cercano que tiveron con nós e todo o que aprendimos con eles.

Esta actividade forma parte das propostas de "Aprende Moaña", organizadas pola Concellalía de Ensino de Moaña

   

29/1/18

Despois da visita ao Concello

Os nenos e nenas de cuarto curso prepararon esta exposición despois da visita ao Concello de Moaña
Esta visita forma parte do proxecto "Aprende Moaña" da Concellalía de Ensino







19/1/18

Xulgado de Paz de Moaña

O mércores na clase de 5º fixemos unha chamada ao Xulgado de Paz para saber a información sobre os nenos que naceron e as persoas que morreron no 2014,2015,2016 e 2017 en Moaña.
Fixemos a chamada e unha persoa do xulgado contestounos moi claramente e moi seriamente coma si fóxemos maiores, e deunos os datos.
Logo apuntamos na libreta os datos que nos deron, e chegamos á conclusión de que os datos sobre Moaña son positivos.

Raúl


18/1/18

Paseo polas esculturas II

Coas fotos da saída , algúns alumnos de 6º de Primaria (Samuel, Yoel e Carla Santorio) montaron este vídeo.
 Moitas grazas!!

17/1/18

As esculturas en Moaña

O martes 23 de xaneiro a clase de 3º foi ver as esculturas que hai ao aire libre polo paseo e o Rosal.Esta é unha actividade que forma parte do proxecto "Aprende Moaña" da Concellalía de Ensino de Moaña
O pintor e escultor moañés Lito Portela guiou o noso paseo parando en cada escultura e falándonos  delas. Coñecemos as distintas maneiras de facer esculturas. Descubrimos de que material están feitas. Decatámonos da cantidade de esculturas que hai. Recibimos moita información.
Ao final, Lito fíxonos un retrato na libreta que levabamos a cada neno ou nena que llo pediu e tamén puxo a súa sinatura nun papel, nun brazo,...
Pasámolo moi ben e non nos importaría repetir.

Moitas grazas Lito!!!

Anécdota: vimos ás mariscadoras camiño do seu traballo e sentámonos no muro a velas e a presidenta da asociación veu a saúdarnos. 






As ilustración e imaxes que publicamos neste blog teñen un uso educativo. Si están suxeitas a dereitos de autor/a, facédenolo saber, para poder retiralas axiña.Grazas