Aquí vivimos

O club de remo Samertolomeu

2011-06-26T08:05:00.001-07:00

O pasado xoves día 17, varios monitores do Club de Remo Samertolameu viñeron ao cole a darlles unha charla ao alumnado do 3º ciclo sobre este deporte, para animalos a participar nun curso de verán que organizarán no mes de xullo. Trouxeron ergómetros nos que os nenos e nenas simularon unha parte dun entrenamento desta modalidade deportiva, e cos que o pasaron xenial!

Xulia Minguillón

2011-05-27T07:25:00.000-07:00

Os nenos e nenas de primeiro...

Fixemos debuxos dos cadros desta pintora para regalarllos ós nenos e nenas do cole de Brea-Segade de Taragoña

Coñecemos ao artista plástico moañés Xabier Ríos

2011-05-26T07:09:00.001-07:00

O pasado xoves, 12 de maio, tivemos a honra de achegarnos ao taller de Xavier Ríos, un pintor e escultor que vive moi preto do noso colexio, a só uns 5 minutos de distancia e nós sen sabelo. Coñecemos parte da súa obra escultórica exposta (para nós) na súa finca e co mar da ría de fondo. Os barcos construídos a partir de triángulos eran a base da maioría das pezas; pero, había algo máis. Tanto podían formar parte dunha nora como dun columpio; por non falar dos distintos materiais empregados: granito, ferro, aceiro... Dentro do taller a cousa foi distinta: un mesmo motivo de diversas formas(con papel, con metal, con goma...).

Cos cadros pasou o mesmo: formas xeométricas e composicións con elas.

A partir daquí soubemos da súa maneira de traballar organizándose en en series:a memoria,borrón,

refuxios,... Contounos que el sempre ten moi presente a referencia constante á infancia (a escola,os xogos).

Tan preto de nós e ao mesmo tempo, expoñendo en distintos lugares, dende Moaña ás demais cidades de Galicia,Madrid e Portugal.

Só nos queda darlle as grazas e escribir aquí algunhas palabras.

As fotos ilustran a nosa visita.

Noa e Irene 6º

Sexto curso investiga

2011-05-26T07:07:00.000-07:00

E con esta presentación que fixeron, aprendemos todos e todas:

Entroido tradicional do morrazo

View more presentations from bibliotecadocole

Os pintores galegos

2011-05-26T07:03:00.001-07:00

Maruxa mallo presentación

View more presentations from bibliotecadocole

Traballo realizado polo alumnado de sexto de Primaria

As árbores en Moaña III

2011-03-15T13:26:00.000-07:00

Carballo

View more presentations or Upload your own.

A mimosa

View more presentations or Upload your own.

As árbores en Moaña II

2011-03-15T13:23:00.000-07:00

O Ameneiro

View more presentations or Upload your own.

Eucalipto

View more presentations or Upload your own.

As árbores en Moaña

2011-03-15T13:21:00.001-07:00

Os nenos e nenas de 4º queren ensinarvos cousas das árbores en Moaña:

O Castiñeiro

View more presentations or Upload your own.

Loureiro

View more presentations or Upload your own.

Curruvellos

2011-03-12T10:07:00.000-08:00

Este é un texto de Sergio Rúa Costa, de 5º curso.

O meu tío, Leonardo Villar Lamas ten 64 anos e hai 31 anos que non se disfraza.

Vestíase de curruvello, cun sobriño. Para cubrir a cabeza levaba unha boina e nas pernas unha s botas altas de goma. Tamén levaba unha gabardina con remendos e na cara un nariz falso.

Despois de vestirse percorrían os barrios de Quintela. Algunha persoas disfrazábanse e outra non.

O máis divertido era meterse cos demais.

A el gustaríalle que os nenos e nenas seguiran esta tradición disfrazándose de curruvellos.

Sergio Rúa Costa.

O Entroido en Moaña II

2011-03-09T09:50:00.001-08:00

Temos aquí un novo texto sobre os curruvellos. Trátase do de Sara Pastoriza, de 5º curso.

María Pastoriza Rodríguez, de 58 anos, hai catro anos que non se disfraza de curruvello.

Todo o mundo que quixera podía disfrazarse. Saía en grupo coas súas amigas.

A roupa que levaban eran panos da cabeza, nas pernas unhas medias, tamén vestían blusas e xerseis de la.

Na cara podían levar antefaces e máscaras.

Despois de vestirse, metíanse con coñecidos e ata con descoñecidos. E ían polas casa dos que non coñecían e andaban todo o día de troula.

A verdade que era moi difícil recoñecelos, xa que tiñan a cara tapada.

O que máis divertido lle resultaba era gastar bromas poñendo voces diferentes, co que conseguían que non os recoñeceran. Ademais, tapábanse as mans porque podían descubrilos por iso.

A María gustaríalle que os nenos e nenas coñeceran esta tradición, porque a ela gustaríalle seguir coas tradicións de toda a vida. É que a ela non lle gustan os disfraces comprados como os de princesas e raíñas..., non. A ela encántanlle os disfraces caseiros porque se fan con moito esmero e cariño.

Sara Pastoriza, 5º curso

A festa do Entroido en Moaña

2011-03-09T09:48:00.000-08:00

Este foi o texto que elaborou Brais González cos datos da súa entrevista a Mª Carme Bermúdez Durán , de 68 anos.

Entrevistei á miña tía Mª Carme Bremúdez Durán, de 68 anos.

Disfrazábase de curruvello coas súas amigas e fíxoo por última vez hai 10 anos.

En Moaña, disfrazábanse os que querían, con panos e sombreiros na cabeza e con roupa vella no tronco e nas pernas. Na cara levaban carautas.

Despois de vestirse, metíanse coa xente.

Non era nada fácil recoñecelos. O máis divertido era ir pola rúa en grupo meténdose coa xente.

A Mª Carme gustaríalle moitísimo que a xente nova se disfrazara así, era moi divertido!

Brais González, 5º curso

O Entroido en Moaña

2011-03-09T09:45:00.000-08:00

Este mes, os cursos de 3º, 4º e 5º desenvolveron unha investigación sobre o entroido tradicional en Moaña. O EDLG elaborou un cuestionario para que puideran entrevistar a algún coñecido que se vestira algunha vez de curruvello. Cos datos da entrevistas, elaboraron un texto que recolle a información.

Curruvellos

Fixemos unha entrevista a unha persoa maior, Josefa Costa Diz, de 60 anos, para que nos contara con que roupa se vestía no carnaval.

Contounos como se vestía a xente de curruvellos.

Na cabeza poñíase unha bolsa de patacas, sabas vellas e máscaras. Nas pernas vestíanse medias de espuma grosa e pantalóns vellos, e no tronco recheos con coxíns e tamén se poñía chepa.

Na cara levaban sabas vellas con buratos.

Despois de vestirse saían á rúa e facían bromas á xente, pero sen falar, con xestos.

Non era nada doado recoñecer aos curruvellos.

O máis divertido era vestirse mal, porque a xente ría con eles e ían todos detrás dos homes, facerlle bromas graciosas.

Alejandra Ferradás e Alondra Montoya, 5º curso.

Un paseo polo rio

2011-02-02T11:47:00.000-08:00

Os nenos e nenas de cuarto aprendemos o nome e onde están situados os ríos de Moaña, e cada un fixo un plano de Moaña cos rios.
Logo decidimos ir a ver o río Rialdarca, o río Pontillón e o río da Fraga ou dos Ladróns, e ir anotando no plano os sitios por onde iamos.
E invitamos aos de terceiro a vir con nós:

San Martiño en 3D

2011-02-02T11:40:00.001-08:00

Este é un traballo dixital do alumno de 6º de Primaria Anxo Rúa sobre a igrexa de San Martiño de Moaña , dentro do proxecto"Moaña" que estamos a traballar no colexio.

Calendario

2011-02-02T11:38:00.000-08:00

Aquí temos a presentación dixital do calendario que elaboramos no primeiro trimestre.
Recollemos en cada mes unha parte significativa de Moaña, o centro de atención do proxecto deste ano.

Open publication - Free publishing - More colxio

Os bosques

2011-02-01T11:42:00.000-08:00

O ano 2011 foi declarado o Ano Internacional dos bosques pola Asamblea Xeral das Nacións Unidas (ONU). A idea é aumentar os esforzos por recuperar e conservas os bosques.

Esta é a segunda vez que os bosques son os protagonistas de un Ano Internacional. A outra edición fora ano ano 1985.

Este vídeo do sendeiro do río da Fraga, en Moaña, ten fermosas imaxes de algúns tramos do río:

Enlaces de interés:

Muy Interesante

Econoticias

Fontecan

2011-01-19T11:52:00.000-08:00

Hoxe, mércores, con motivo de estar traballando o Proxecto da auga en Moaña, fomos visitar a fonte de Fontecan. Costounos un pouco atopala porque está un pouco escondida, pero agora xa sabemos onde podemos ir a coller auga cando estemos xogando na alameda e no parque.

A praia

2010-12-02T11:49:00.000-08:00

Onte os nenos e nenas de 2º fomos á praia da Xunqueira.
Tiñamos que pintar a praia, e facía un día tan bo, que alá fomos coas nosas pinturas e carpetas, a traballar a praia.

Igoal que os artistas de verdade!!

Os nosos traballos van servir para ilustrar un calendario.

Cada curso pinta unha cousa propia de Moaña, e nós tocounos a praia.

Fonte de Rialdarca

2010-11-26T11:53:00.000-08:00

O xoves fomos visitar a Fonte e Lavadoiro de Rialdarca. Levamos as nosas botellas e collemos auga na fonte, lavamos roupa no lavadoiro que amablemente nos deixaron dúas veciñas nosas e aproveitamos para camiñar un pouco ó carón do río. Xa coñecemos dúas fontes: Entrevalos e Rialdarca. Esperamos seguir coñecendo moitas más. Grazas a todas as familias pola vosa colaboración!Os nenos e nenas están entusiasmados con este proxecto sobre a auga.

Fonte de Entrevalos

2010-11-24T11:56:00.000-08:00

Hoxe, mércores, as tartarugas fomos visitar a fonte que temos ao lado do cole: a Fonte de Entrevalos. Aproveitamos para encher as nosas botellas e probar esa auga tan rica. Fomos tamén ao Lavadoiro da Miranda a lavar. Gustounos moito, aínda que menos mal que temos lavadoras!.

A cadeira

2010-09-24T10:31:00.000-07:00

A pasada semana apareceu no monte de Meira (Moaña), ao lado dos restos dunha torre medieval, unha cadeiraa xigante.O lugar ten unha fermosísima vista sobre a ría

Despois de varios días de misterio, e de mil rumores sobre a identidade dos autores, xa sabemos que é obra de dous mozos de Moaña.

Os nosos parabéns aos autores, Xulio Lago e Roberto Brañas, por a idea e por conseguir que o noso pobo saíra en todos os medios.

Wellcome Moaña

2010-04-02T11:45:00.000-07:00

Anxo Rúa de Quinto curso preparou este vídeo de Moaña para a clase de Inglés

Moaña

2010-03-25T01:36:00.000-07:00

Moaña vista por Patri e Sheila, tamén de 5' curso:

Patri,Sheila.presentación de moaña

View more presentations or Upload your own.

Ven a Moaña

2010-01-19T13:47:00.000-08:00

Na clase de 6º seguen facendo folletos turísticos. Este é o de Moaña:

O monte da Fraga

2009-12-05T10:44:00.001-08:00

Carmen de 6º curso fíxo este folleto turístico sobre o monte da Fraga, en Moaña:

Un paseo por Moaña

2009-08-17T04:50:00.000-07:00

Moaña

View more presentations from bibliotecadocole.

Carta ao alcalde de Moaña

2009-07-13T08:09:00.000-07:00

Quintela 30 de Abril de 2009

Excmo. Sr Alcalde de Moaña:

Somos un grupo de nenos e nenas de 5º curso de Quintela.
Dirixímonos a vostede paradarlle as grazas por algunhas cousas ben feitas no noso Concello, que nos afectan directamente aos nenos e ás nenas, e tamén para darlle a coñecer algunhas queixas que esperamos se podan solucionar.
O noso compañeiro Noel está agradecido porque as beirarrúas na zona onde vive (Daniel Castelao) foron arranxadas este ano. Xabier tamén lle da as grazas por cambiar unha portería que estaba en mal estado no parque da Ameixoada.
A maioría dos nenos e nenas deste colexio imos ao parque de Moaña e algunhas randeeiras precisan ser cambiadas, ó igual que algunha rede nas pistas de fútbol, xa que moitos balóns caen ó mar ou á estrada.

Xabier tamén quere pedirlle colectores para reciclar vidrio e plástico na zona do Camiño de Agrelo, os que hai na Ameixoada quédanlle moi lonxe.
Agardando qeu sexan atendidas as nosas peticións, dámoslle as grazas anticipadas.

Atentamente.
Nenos e nenas de 5º curso de Quintela

Entrevista a Iván Costa

2009-05-22T01:31:00.000-07:00

Iván Costa, o gaiteiro de Moaña, visitou o colexio de Quintela. Mestre de profesión, ten unha longa traxectoria na música tradicional galega, a pesar de ser moi novo.
Toca moitos instrumentos: gaita, zanfona,tambor, bombo, pandeiro, pandeireta…
Os nenos e nenas de 5º curso fixerónlle esta entrevista:
Se che parece empezamos por algunhas preguntas relacionadas cos teus comenzos.

_ Cal foi o primeiro instrumento que tocaches e cantos levas tocado ó longo da túa vida?
O primeiro instrumento que toquei foi a flauta , cando estaba no colexio. Ó longo da miña vida levo tocado entre vinte e vinte e cinco.

_ Como te defines musicalmente: como gaiteiro, como músico…?

Primeiro síntome gaiteiro e despois músico.

_ Que lugares che sirven de inspiración para compoñer?

Ás veces, lugares fermosos: unha posta de sol, o mar tranquilo ou o mar bravo…
Outras veces, cousas que che van pasando na vida: un aniversario, os nacementos das miñas sobriñas…

_ Cantos discos levas publicado?

Como solista de gaita publiquei un disco. Como colaborador con outras formacións levo publicado arredor duns quince.

_ No disco Ávrego hai unha peza que se chama Lagarteira. Cóntanos un pouco a historia.

Lagarteira é un camiño estreito que vai dende a casa onde naceu miña nai ata a casa onde naceu meu pai. Eu de pequeño recorría moitas veces ese camiño. Está moi preto deste colexio.

_ Nese mesmo disco sabemos que hai unha peza adicada a unha nena deste colexio. Pódesnos tocar un cachiño?

É unha peza adicada a unha sobriña miña que compuxen cando ela naceu.

_ Que che gusta máis: compoñer ou interpretar?

Gústame moito mais interpretar. Pásoo mellor ca compoñendo, porque ás veces cando un compón non sempre lle sae o que espera.

_ En canto ó teu taballo como mestre, por que decidiches adicarte a iso?

Porque me gustaba o ensino e mais a música e así puiden xuntar as dúas preferencias que tiña.

_ Que é o que máis che gusta de traballar cos nenos?

Gústame adicarlle tempo á música tradicional galega porque no ensino ,as veces, préstaselle pouca atención. Interésame traballar sobre as danzas e as melodías da música tradicional galega.

_ Que recordos tes da túa vida de estudiante no noso colexio?

Lémbrome que eramos moitos máis nenos e paseino moi ben. Eu neste colexio só estiven dous anos porque antes de funcionar este colexio estabamos no local que hoxe ocupa a Biblioteca Municipal.

_ Actuaches en moitos colexios? Cóntanos como foi a experiencia.

Actuei en poucos. En Domaio, en Paralaia, en Seara e hoxe no voso. As experiencias foron moi positivas.

_ Que lle dirías ós rapaces que queren adicarse á música?

Que se animen. É moi fermoso adicarse ó que a un lle gusta. Non sei se sabedes que en Moaña temos a Escola de Música no colexio de Reibón. Podedes acudir alí polas tardes.

_ Volvendo ó tema da música, prefires actuar só ou en grupo?
Depende do repertorio. Cando toco a gaita prefiro actuar só e cando toco a zanfona prefiro actuar con outros.

_ Que actuación lembras con especial cariño?

Foi en Francia, cando gañei un premio a nivel mundial para gaiteiros,o Mcallan. A actuación foi nun campo de fútbol e sentinme especial tocando alí.

_ En que proxecto estás traballando neste momento?

Nun espectáculo de música e danza que se chama Bruma.

_ Que fas no teu tempo libre?

Adícome a tocar.

_ Que valoración fas da música tradicional galega no pasado en relación ó presente?

Antes eran os gaiteiros os protagonistas da música tadicional en Galicia, pero as pezas ianse perdendo con eles. Pouco a pouco a música tradicional evolucionou cara á música Folc, que foi recollendo esas pezas e dándoas a coñecer ao mesmo tempo que incorporaban interpretes con formación musical.

Grazas po la túa visita. Pasámolo moi ben escoltándote a ti e as túas interpretacións.

Nenos e nenas de 5º do colexio de Quintela.
Máis sobre Iván no blog do noso equipo de EDNL Dinamiza Normaliza.

Paula entrevista a Xil Ríos

2008-11-12T10:41:00.000-08:00

Xa vos comentamos canto gusta en Moaña a música. Outro exemplo é o noso cantautor Xil Ríos, a que Paula Acuña, alumna de 6º curso, entrevistou hai uns días:

Paula:
¿Cando decidiu ser cantante?

Xil Ríos:
Decidín ser cantante no ano 1971.

Paula:
¿E cando lle veu a súa paixón pola música?

Xil Ríos:
Teño paixón pola música dende pequeno. Estiven en varios grupos:
Primeiro na Rondalla “Mañogalega”. E despois na Coral moañesa como solista.
No ano 1971 participei en Vigo no festival “Dorna”, onde gañei o 2º premio coa canción “Un anaco de pan”, o meu primeiro éxito.
No ano 1973 participei no festival “Miño” de Ourense, onde gañei o 1º premio coa canción”Miña Maruxiña”
Coa Multinacional “Philips “gravei discos durante 15 anos.

Paula:
¿Escribe vostede as súas cancións. En caso afirmativo, ¿en que se inspira?

Xil Ríos:
Si, escríboas eu.Case todas as letras e a música son miñas.
Inspírome nas miñas vivencias, cousas do pobo,...

Paula:
¿Que consellos lle daría aos rapaces que se queren dedicar á música?

Xil Ríos:
Que estudien música.Que sexan constantes co seu traballo: ¡SEN TRABALLO NON SE CONSEGUE NADA!

Paula:
Moitas grazas pola súa colaboración.

Visita de Xosé R. Millán, escritor e alcalde de Moaña

2008-05-10T02:50:00.000-07:00

O día 23 de Abril , Día do Libro, recibimos na nosa biblioteca escolar a visita do alcalde de Moaña, Xosé Ramón Millán Otero.

O noso alcalde é autor de varios estudios e tamén ten publicados libros de poemas.

Na biblioteca, nun ambiente moi agradable, os nenos e nenas de 6º curso fixeronlle unha pequena entrevista, e ao rematar, o alcalde leulles uns conto.

Esta é a entrevista:

¿Que libros che gustaban cando eras neno?
Moby Dick , o Mago Merlín, cómics de Mortadelo e Filemón, novelas de vaqueiros e todo o que atopaba.
Na miña casa apenas había libros, pero lembro que miña nai mercoume a Enciclopedia Alvarez.

¿Recordas a túa escola?
Si, era a escola de dona Sergia.

¿Cal foi a primeira biblioteca que visitaches?
A biblioteca de Beluso, que é onde nacin.

¿Tes moitos libros na túa casa?
Si, uns tres mil libros.

¿Cando empezaches a escribir?
Cando tiña 10 anos.

¿Cáles son os teus escritores favoritos?
Rosalía de Castro é a escritora que máis me gusta.Tamén me gustan Alvaro Cunqueiro e Miguel Torga que é un escritor portugués.

¿E o teu poema favorito?
Negra sombra

¿Que che gusta máis, ser escritor ou ser alcalde?
Gustame máis ser profesor, profesor de galego, que é a miña profesión.

¿Gustaríache que fixeran cadros inspirados nos teus poemas?
Si, por suposto, encantaríame, xa me fixeron algún.

¿Que libro che gusta máis dos que escribiche?
“O tempo de sal”

¿En que te inspiras para escribir?
Nos obxectos da vida cotiá, na natureza, nas cousas que vexo pola rúa,..

¿Cando te elexiron alcalde, deixaches a poesía?
Deille un descanso,...

Tedes algunhas fotos no ALBÚM DE FOTOS

Preme dúas veces en enter para escoitar "Negra Sombra" na versión de Luz Casal e Carlos Núñez:

Xosé Manuel Budiño

2007-12-12T13:03:00.000-08:00

Moito nos gusta a música en Moaña.Tanto que temos unha chea de artistas e tamén moitos moañeses e moañesas con aficións musicais.Este curso imos investigar ata onde chega esta riqueza, e comenzamos coa entrevista a Xosé Manuel Budiño, uns dos nosos gaiteiros máis internacional, que ven de editar novo traballo musical : o disco HOME que seguro acadará un gran éxito.

Laura Rocha, de 6º curso fíxolle esta entrevista:

L- ¿A que anos empezaches a tocar a gaita?

B- Aos sete anos.

L-¿Tocas outros instrumentos?

B-Sí, a guitarra, os teclados, a percusión,..

L-¿Cántos discos tes grabados?

B-Ata o de agora, catro discos.

L-¿Cómo se chama o teu último disco?

B-Home

L-¿Canto tempo tardaches en preparalo?

B-Un ano e medio.

L-¿Colaboran outros artistas galegos contigo?

B-Sí, Paco Charlín, Mercedes Peón, Xoel López e outros.

L-¿Pasas moito tempo tocando a gaita?

B-Unhas seis horas diarias.

L-¿Algún familiar teu toca algún instrumento?

B-Sí, os meus curmáns tocan tamén a gaita.

L-¿Onde será o teu próximo concerto?

B-En Glasgow e en Irlanda.

L-¿Que sintes cando tocas a gaita?

B-A transmisión da cultura de xeneración en xeneración.

L-¿Cres que está ben considerada a música folk en Galicia?

B-Sí, xa que é moi aceptada pola xente, porque é algo moi noso.

L-Moitas grazas polas túas respostas e moitos éxitos.

Un paseo pola praia

2007-07-09T07:06:00.000-07:00

En Moaña temos a sorte de poseer varias praias urbanas.Esta é a da Xunqueira.A praia da Xunqueira ten un parque, para disfrutar da sombra. No parque está a bibliopraia.

NUNCA MÁIS

2007-05-23T15:05:00.000-07:00

O Prestige e Nunca máis visto polos alumnos de 4º

As árbores do Morrazo

2007-05-09T14:37:00.000-07:00

Alumnos e alumnas de cuarto curso

Os peixes da Ría de Vigo

2007-05-09T14:32:00.000-07:00

Paula 4º curso

O mar

2007-05-03T09:39:00.000-07:00

Dende o noso cole mìrase o mar.

È como un balcón asomado á Ría de Vigo.

O colexio.

2007-04-03T10:16:00.000-07:00

O noso colexio, o Ceip Quintela, está en Moaña, en un entorno semi-urbano, de casas unifamiliares.
É un colexio pequeno, hai 6 aulas de Primaria e tres de Educación Infantil.
No cole hai un edificio principal. onde están as aulas de Primaria e a de Infantil de 5 anos, a Biblioteca , aula de Informática, aula de Música e Audiovisuais, aula de Inglés ,aula de Apoio, servicio médico, comedor escolar, sá de profesoras e profesores e as dependencias administrativas.

No recinto escolar hai dous edificios mais: o edificio que alberga as aulas de Educación Infantil, co seu patio de recreo, e o e o pavillón escolar. Contamos ademais con un parque de xogos,unha pista polideportiva, e un horto escolar.
En Moaña hai seis colexios máis: O Ceip Abelendo, o Ceip Reibón, o Ceip Seara, o Ceip de Tirán, o Ceip A guía, e o Ceip de Domaio. Hai tamén dous Escolas de Educación Infantil. A EEI de Verducedo e a EEI de O Con. Por último, temos dous institutos: o IES A Paralaia. e o IES As Barxas.

¡Somos moitos!